Господи Иисусе Христе, Сыне Божий ! Имени Твоему покланяются Ангели и человецы, Твоего имени трепещут адския силы, Твое имя-верное оружие на прогнание супостата, Твое имя попаляет грехи и страсти, Твое имя подает силу в подвигах, собирает воедино разсеянный ум и во исполнении заповедей Твоих обогащает добродетелями, Твое имя творит чудеса и соединяет нас с Тобою, дарует мир и радость о Духе Святом, а в жизни будущей-Царство Небесное. Сего ради аз недостойный раб Твой, молюся Тебе: прожени от нас неведение духовное, просвети познанием Божественной истины и научи нас незаблудно во смирении, внимательно, с чувством покаяннаго сокрушения, устами, умом и сердцем творити непрестанно молитву сию: Господи Иисусе Христе, Сыне Божий, помилуй мя грешнаго. Ты бо рекл еси, Господи, пречистыми усты Твоими: егоже аще просите во имя Мое, Аз сотворю. Се, молитвами Пречистыя Матери Твоея, святителя Иоасафа Белгородскаго, святителя Николая Мирликийскаго, преподобного Серафима Саровскаго и всех преподобных отец наших о имени Твоем, о даровании прошу молитвы Иисусовой, молитвы пресвятаго и всемогущаго имени Твоего. Услыши мя, обещавый услышати всех призывающих Тя во истине. Твое бо есть еже миловати и спасати и даровати просимое молящемуся во славу Твою со Отцем и Святым Духом. Аминь.